Habeeb ki soorat ho ya raqueeb ki soorat,
Har chehre mein nazar aati hai mujhe yaar ki soorat.

Jis aankh mein ho aks tera us aankh ko dekhun,
Issay behtar kya hogi tere deedar ki soorat.

Pehchaan liya tujhe tere naqsh-o-adab se,
aati hai husn-e-fun mein nazar funkaar ki soorat.

Ab koi dusra is nazaar ko na baandh payega,
in nazron mein naqsh hai mere yaar ki soorat

Bewafa ashq keh gaye mere dil ka fasana,
aur hum sochte reh gaye mohobbat-e-izhaar ki soorat.

Kaun jaane unke khamoshi-e-aalam ko,
hai ye ikraar ki soorat ya mohobbat-e-inkaar ki soorat.

-Diya Shram

25/10/2017